Daniël Lohues

Teksten

Daniël Lohues (2022)

  1. Stap veur stap
  2. Achteraf
  3. Helderder
  4. Molenaar
  5. As ’t regent in Rotterdam
  6. Oh, Louise
  7. Later wel misschien
  8. Laot mar lös
  9. Ellis
  10. Doe de boel mar lös
  11. Weg
  12. Dat zien we dan wel weer
  13. Zeg mar wanneer
  14. Ik wul niet meer
  15. En weer deur

1. Stap veur stap

Stap veur stap
Dichterbij
Bij waor ik hen wul in ’t leben
Stap veur stap
verder weg
Van waor ik afscheid van mus nemen

Stap veur stap
Deur de eeuwigheid
ik zuuk verder
Tot ik snap
Wie ik ben
En wat ik niet begriep
daor kom ik achter
Stap veur stap

Elk pad
Elke bochte
Alle wegen brengen wat neijs
Horizons
Want die be’j neudig
op dizze lebenslange reis

Maonlicht van zilver
op ’n kaole nacht
Flustert al zachies
wie ’t leste lacht

2. Achteraf

Der is ’n man
Achter in het veld
Daor wordt wel vaak
wat geks over verteld
En toch kreg die man
Vaak geliek met wat hij zegd hef

Hij zeg niet veul
Mar döt hij dat wel
Luster dan goed
Naor wat hij vertelt
Hij zöt vaak precies
Waor ’n ander net veurlangs of overhen kek

Achteraf ku’j de wereld beter zien
Achteraf ku’j nog deur de modder rieden
Achteraf stao’j nooit met de neuze veuran
Verschil tussen ’t koren en ’t kaf
Wordt duudelijk achteraf

Der is ’n man
hier achter in het veld
Die wordt nooit
iene vraoge steld
Toch hef hij antwoorden te over
Mar ’n enkeling die heurt ze

Der is ’n man
Hier achter in het veld
die behalve schaopen
zien zegeningen telt
Hij lacht met ’n traon
um de waanzin in de verte

3. Helderder

De mist is wegwaaid met de oostenwind
Duudelijk kan ik ’t weer zien
Onschuldig kieken as ’n jaorig kind
Helderder as ooit misschien

De kater wegspuuld met kaold water
Weer op vaste, eigen bienen
Ik zie zunsopkomsten van later
Helderder as ooit misschien

De grieze doffe leege tonen
Uutlaotgas van zielepien
Benn vervangen deur geluuden
Helderder as ooit misschien

Helderder, helderder
Ik stao der bij en kiek der naor
Helderder, helderder
Duudelijk en klaor

4. Molenaar

Windstil. Duuster
Kaal en vlak
Dreuge. Leege
Muu en brak
Dichterbij komm de muurn
Hoe lang giet dit nog duurn

Wacht ‘s. Kiek ‘s
Gunder daor
Wolken. Kolken
Warkelijk waor
Kan wel zien dat ze echt benn
Kommen ze echt dizze kaant hen?

Zal ’t dan toch ander weer
worden hier nou ’n keer?
Jao, daor he’j ‘t
’t begunt te weijen!

Molenaar
Maal nou maar
Want de meuln die dreijt
Zolang ’t weijt

Koren maald tot
puten meel
Iederien hef goeie wil
Zat veur mensen en moezen
En de wolken mar poezen

Wees der bij nou dat het kan
Want hier komp ’n einde an
Mar vandaage weijt ’t as ’n grote

Giet de wind weer liggen ooit
Dan heb ie gien tied verknooid
Ie hebben maald toen het kun
Vanaf dat het weijen begun

5. As ’t regent in Rotterdam

’t Is ’n fijne stad
Waor ik op zich graag ben
Mar as ’t regenachtig is
Gao’k liever daor niet hen

A’k de hiele dag al
An joe denken moet
’t Wordt allen’ mar slimmer dan
Ik kan wel janken
Want dat krie’j der van
As ’t regent in Rotterdam

Toen wij daor samen waarn
Was ’t ja helder blauw
Mar ie benn weggaon toen
Sindsdien is ’t mij nou gauw te grauw

Blief mooi op Erica
Kom wel ’n ander keer
Naor Rotterdam ’n maol
Mar dan met beter weer

6. Oh, Louise

Oh, Louise, heb joe zo lang nie meer zien
Oh Louise, wat ok beter is misschien
Want wij benn twee magneten
mar allebeiden plus
En daor worden we min van
Dus dat giet niet warken dus

Oh Louise, dat is eigenlijk niet waor
Oh Louise, mar zo keken we der naor
Op ’t leste was ’t mis vaak
Want hoe de wind ok stun
’t was nooit meer zo as eerder
Zo mooi as in ’t begun

Oh Louise, wee’j nog in dat vliegtuug toen?
Oh Louise, konden wij der wat an doen?
Wij kregen de champagne
die we nooit hadden besteld
Wij leken bliekbar verliefder
as dat pas getrouwde stel

Oh Louise, ’t is al zo veul jaorn terugge
Oh Louise, ’t gong allemaol te vlugge
Mar ’t hef zo moeten lopen
Jij hebben kregen wat jij zöchten
Mar inmiddels zie ik duudelijk
wat ik deu was domweg vluchten

Oh Louise, achter mij een vloot verbrand
Oh Louise, zwarte wrakken langs het strand
Ik schei der over uut nou
Het is al arg genog
te laate veur vergeving
veur doodgaon nog te vrog

7. Later wel misschien

Onderweg
Bij ’n boom
Zie ik heur soms wel ’s staon
Of in ’n dreum
Bij ’n vuur
Zeg ze dat ze weer moet gaan

Zij was altied dichtbij
Zij was altied veur mij
Het was altied goed
Jao, wij hadden ’t zölde bloed
Mar of we mekaar ooit wel weerzien?
Later wel misschien

Soms heur ik heur lach
In de wind
Of vuul ik heur via ’t zunlicht
Soms is ze ver weg
Uut de tied
Mar nooit veur altied uut zicht

In de duusterste ienzaamheid
Vuul ik heur nog dichtbij
ok al is ze der niet echt
want ik heb altied veur in de kop
alle moois wat zij deud en wat ze hef zegd

8. Laot mar lös

Laot mar lös
Laot mar gaon
’t Hef gien zin meer zo
Hier te blieben staon

Laot mar weden
Laot mar vliegen
Dan huu’j niet langer meer
te dreien en te zwiegen

bobendien wat doe’j der an
Het is nou ienmaol zegd
’t was ok denk ik niet verkeerd beduuld
het kwam bij joe gewoon slecht terecht

Laot mar lös
Laot mar gaon
Ik kan ’t weten want
Dat heb ik ok daon

Zunde van muijte ja
Zunde van de tied
Je hebben allen’ joezölf der met
Want ’n ander boeit ’t niet

Laot mar lös
Laot mar gaon
ik was as ik joe was
Mooi gewoon weg gaon

9. Ellis

Ik zie dat ze online is
Mar ik zeg eben niks
Toch zit ik aal te kieken
of ik gien bericht heb mist
Ik wul niet reageern
Beter van niet
Want hoe dit ok zal gaon
’t Eindigt met verdriet

Ellis Ellis
Ellis uut Neij-Dordt
Maakt alles graag kapot

Kiek dat döt ze nou al
Ze appt nou vast met hum
Midden in de nacht
En ik weet wel waorum
Want zo hef zij ok met mij appt
Mar ik hapte der niet op
Nou döt ze ’t met ’n ander
En spookt mij deur de kop

Ik zie dat ze online is
Mar ik zeg eben niks
Toch zit ik aal te kieken
of ik gien bericht heb mist
Ik denk mar da’k heur block
Delete en dan weer deur
Kapot gao’j toch wel, ja of niet?
Mar liever niet deur heur

10. Doe de boel mar lös

Goeienaobend luu, mien naam is Joost
En ik zing veur joe ’n lied
Over vlinderties en vogelties
En over waor saturnus stiet
Elke nacht is weer ’n nacht
en elke dag ’n dag

Kiek goed waor de adders kroepen
onder ’t hoge grös
Vuul ’t zunlicht zie ’t maonlicht
Doe de boel mar lös

Denk ie dat ik makkelijk praoten heb?
Dat he’j dan verkeerd
Ik heb ’t met de kop kapot
nog niet zo lange leden leerd
Ik heurde ’n stemme die mij zegt hef
wat ik mar mus doen

Het leben hef gien reden
Niks is zo beduuld
Dus dan ku’j mar beter
Doen wat ’t beste vuult

11. Weg

Kan der nou niet hen
hoe graag ik ok wul
Ik zit vaste hier
te lang en te veul
Ik meen wat ik zeg
Ik wul verder niks
Behalve weg

Ik verpieter hier
Doe mijzölf te kört
Ik weet ok niet waor
dat precies op slöt
Ik kwam hier terecht
Wul gien kante op
Behalve weg

Weg, ver weg, waor de zunne schient
Weg, ver weg, waor verdriet verdwient
Weg van hier en misschien kom ik wel nie weer
Weg van hier, hier wordt ’t ‘m nie meer

Mooie is der af
Fijne is veurbij
Ik zie ’t nie meer
’t Is klaor veur mij
mooie dikke pech
Ik moet niks
Behalve weg

Ja, der komp ’n dag
Dat ik warkelijk gao
En dat is de dag
Da’k dit boek dichtslao
en in de kachel leg
Ik huuf niks meer
Behalve weg

12. Dat zien we dan wel weer

Zolang ik lach, denk ik elke keer
dat zien we dan wel weer
Dat zien we dan wel weer
Zo lang ik leef denk ik ’t steeds meer
Dat zien we dan wel weer
Dat zien we dan wel weer

Nachtenlang te prakkezeren
Weet as de beste hoe dat giet
Mar al dat zuchten is vaak zinloos
Hoe dingen lopen wee’j toch niet

Ik heb inmiddels nou wel deur nou
Het is beter um te lachen
as mar met liefzeer rond te lopen
En het noodlot af te wachten

13. Zeg mar wanneer

Tegen de morgen
Of is dat joe te vrog?
Met de koffie kan ok
Of veur de middag?
Ok gien probleem
Of wordt joe dat net te drok?

Zeg mar wanneer
Dan kom ik der an
’t Is ja zo lange leden
Zeg mar wanneer
’t lig an joe
Zeg ’t mar, ik zal der weden

Tussen de middag?
Dan neem ik wat lekkers met
Of liever zo net rond de thee?
Nao de middag
da’s mij ok best
Nao ’t eten is mij ok okay

Tegen de koffie
of met de borrel
Het maakt mij niet uut
Wul joe gewoon eben zien
Of zeg ie nou nee
Daor heb ik gien belang bij
mar verder eben goeie vrienden?

14. Ik wul nie meer

Ik wul niet meer
Ik wul niet meer
Ik wul niet meer van dit gedoe
Ik wul niet meer
Ik wul niet meer
En ik kan heus wel zönder joe
Want ik heb te veul en veuls te vaake
bij mezölf dacht: ach dat heurt der bij
Mar a’k mij dat ’s goed beschouwe
Past dit circus niet bij mij

Ik wul niet meer
Ik wul niet meer
Leben naor joen beeld van mij
Ik doe’t niet meer
Ok niet ongeveer
Da’s beter veur ons allebei
Want het is zo zunde van de tied ok
Met ’n knup te leben in de maage
Dus a’k mij dat ’s goed beschouwe
Denk ik, toe mar, wie döt mij wat vandage

Het was ja mooi zo lang ’t duurde
En ik had veul eerder weg moeten gaon
Dus a’k mij dat ’s goed beschouwe
He’k dit uuteindelijk zölf daon

15. En weer deur

Deur de zwartste nachten zunder slaop
Met gien licht meer en gien lucht
Deur ’t ooge van de naolde hen
Zag ik wat der loos was
Wus wat mij te doen stun

En weer deur
En weer deur
’t Zwaore laot ik achter
en de kop der veur
En weer deur
En weer deur
Achter de zunne an
Wat moe’j anders as
Weer deur weer deur

Mar hoe kwam dat dat het zover kwam?
’t Was raak ja echt goed mis
Deurdat ik al veuls te vaak had dacht
Eben nog eben deurdoen
Overal is wat bij

Zo he’j t leerd
Deurdoen deurdoen
Al löp alles verkeerd
Altied wee’j wa’j moeten

Agenda

02-03-2023
Hardenberg
Theater de Voorveghter *
03-03-2023
Hardenberg
Theater de Voorveghter *
11-03-2023
Steenwijk
Theater de Meenthe *
Meer optredens

Facebook