•
Ik leup over ’n zandpad
Deur de kindertied
’n Vogeltie zung hoog
’n Stukkie van ’n lied
Dat heb ik veur ‘m afmaakt
Had ’n bepaald refrein
’t Gung over de eeuwigheid
En de wind mar weijen
En de wind mar weijen
En de wind mar weijen
En de mens mar lachen
En de mens mar schreien
In de scharpste bochten
Op het aardse circuit
Gieren joe de banden soms
En dan weet ie niet
O’j de bochte halen
’t Zal joe beneijen
Hoe dan ok: ’t is wat het is
En de wind mar weijen
Mensen verliezen aan de dood
Of mensen verliezen aan het leben
Ok al is de elend groot
Het leben is ons geben
•
’t Zal zo’n vaort niet lopen
‘t Komp echt veur mekaar
We passen der ’n mouw an
Mar ik denk: ach ja, toe maar
Ik weet ja hoe dat giet
Ik weet ja hoe dat giet
De beste beduulings
Mar veul meer is het niet
Ik weet ja hoe dat giet
Ik weet ja hoe dat giet
Zo löp ’t altied
Ik weet ja hoe dat giet
Wij lossen dit wel op ja
Maak joe mar niet drok
Komp allemaol wel goed
Mar wie is hier straks de bok?
Straks is het weer: sorry
Het is niet anders, nee
En ik wus van teveuren
Wat ik de hiele tied al zee
•
Af en toe
Zie ik joe
Mar niet echt
Want je bennen ver weg
Later in de hemel zien we ooit mekaar wel weer
Tot die tied is ’t wennen en schrikken elke keer
Mar weet da’k an joe denke
Elke aobend, want
’t Keersie brandt
Dagenlang
Be’j soms bang
Veur het leben
Van iene wao’j um geben
As alle woorden zegd bennen
En de stilte dient zich an
As der niks anders op zit
En ’t afwachten is dan
Vlammegie gef hoop
Schaduw op de wand
’t Keersie brandt
Ok giet soms het keersie an
Gewoon uut dankbaarheid
Omdat de wind hiel eben de goeie kant op weijt
Vertrouwen dat ooit alles
In het licht belandt
’t Keersie brandt
•
As ik terugkiek hoe ik was
Was ik anders toen?
Denk ’t niet, want wat ik deud
Ben ik blieben doen
Soms was ik ’n indiaan
Die op blote voeten leup
Deur ’t bossie naost ons huus
Dolke op de heup
Ik wus wie ik was
Ik wus wat ik wol
En ik weet dat ‘t waor is
Dus dat haol ik vol
As ik in de kerke was
Speulde ik veur God
Ja, ik beduul: muziek veur Hum
En dat gung nooit kapot
Want as ik kiek naor toen die tied
Dat ik veur het eerst
Overal gung speulen
Was het nog veur die meneer
Vief jaor terugge was ’n tied
Dat ik der klaor met was
Tenminste, nee, dat dacht ik
Mar ik was muu en ik zat vast
Deur kilometers jagen
In stilte mooi rechtdeur
Zag ik vrij snel deur de tranen
Wat der was gebeurd
•
In de wervelstorm
Die ‘het leben’ het
Is het lang niet altied klaor
Elk mens hef vraogen
En is op zuuk
Naor wat echt is en wat waor
Goed
Wat is hoe het heurt en hoe het moet?
Diep van binnen weet ie nog wel
Wat joen ma hef zegd
Over goed en slecht
In de aobendzun
Van ’n mensenleben
Denk ie anders as as kind
Dan is alles nog zo
Mooi en goed
Totdat dizze vraog joe vindt
En joen ma hef ’t van oma
Enzo, enzovoort
Ze hebben allemaol geleufd
In dat iene woord
•
Ja, ik weet dat ’t niet zo heurt, nee
Ja, ik weet wel dat het niet mag
Ja, ik weet elke profeet
Wat die derover zee
Mar ik stop der niet met, nee, nee
Haost gien mense die wet de waorheid
Ja, ’n paar he’k ’t wel verteld
Misschien zien ze ‘t an mij
Ik heb gien idee
Mar ik stop der niet met, nee, nee
De hemel giet lös
De engelties zingen
Wat ’n ander denkt maakt mij niet uut
Ik kiek omhoog
En ik spliet de zee
En daor stop ik niet met, nee, nee
Is wat slecht as ’t meer as best vuult?
Is het fout as ’t vuult as goed?
Ja, ik heur mien mamme nog
Wat die derover zee
Mar ik stop der niet met, nee, nee
En as ooit op ’n dag die dag komp
Dat ’t moet, dat ’t over is
Zölfs in de hemel blief ik doen
Wat ik altied zee
Ik stop der niet met, nee, nee
•
Ja, ik ben gewoon beneijd
Wat he
’k fout daon?
Waor is ’t mis gaon?
Heb ik slecht daon tegen joe?
En ik denk mar:
Zeg het nou mar
Kameraod
Waorum ben jij kwaod?
Kameraod
Wat is der veranderd?
Het is zo anders as
Toen alles altied goed was
We kennen mekaar nou al zo lange
Alles metmaakt
Alles kwietraakt
Mar mekaar niet uut het oog
Toch is der wat
Lang niet goed zat
Kom jij bij mij of ik bij joe?
We moeten mar eben zien
We moeten niks behalve dan:
We moeten neudig an de wien
•
Op de snelweg
Veuls te lang
Duurt nog eben
Ben ik bang
Ben niet bange
Ben onderweg
Zodat mien leben
Nog wat zin kreg
Waor ik ok eben stop
Spookt mij deur de kop:
Ik huuf echt nargens meer hen
As ik ienmaol thuus ben
As ik weer in huus ben
Zit met vogels
Aan de bar
Allemaol allennig
En ik denk mar:
Is het de hemel
Of is het de plek
Waor ik weg kom
Wat zo an mij trekt?
Ben der nog lang niet
Ik neem mooi de tied
De wereld vlög veurbij
Mar ik huuf nargens meer hen
As ik ienmaol thuus ben
As ik weer in huus ben
•
Ik vuul mij goed
Ik vuul mij vrij
’t Giet echt oprecht
Geweldig met mij
‘t Zunnegie schient
Heldere lucht
Ik ben joe kwiet
Mar heb mezelf weer mooi terugge
Over joe hen
Over joe hen
Ik ben al dagenlang
Over joe hen
Maandag was muuilijk
Dindag was okay
En vanaf woensdag:
Holladiejee
Niks döt mij denken
An ons en an joe
Ik mus joe vergeten
Dus dat is wat ik nou doe
Tuurlijk mis ik soms
Joen ogen, joen lach
Ik roek joe an mien kussensloop
De godganse nacht
Dan gao’k der mar uut
Om in de tuune te staon
Dan kiek ik naor boben
En ik joel naor de maone
•
Zit niet zo te drieben
Wees mar niet benauwd
’t Komp wel goed
Zo snel löp dat niet fout
Ja, ik kiek nog eben
Ik denk nog eben nao
Ik doe het zo
En dan is het ja klaor
Kalm an
Doe mar mooi kalm an
Kalm an
Dan he’j der ok gien drokte van
Ik ben zölf net zo west
Altied in de haost
Haost gien tied veur
Wat dan ok dernaost
Mar ik kwam derachter
Ik dacht: wacht ’s eben
Ik leef zowat drie lebens
In ien leben
’t Kan nog zat
‘t Kan nog wel
De wereld is niet raozend maakt
’t Giet al veuls te snel
’t Kan nog wel
‘t Kan nog zat
As ik mij drok wul maken
Is der altied wel wat
•
’n Ander leben in de zunne
Daor dreum jij van
En ondertussen valt de regen
En komp der onweer an
Gao dan weg
Gao der vandeur dan
Die afslag ku’j vandaag nog nemen
Gao dan weg
Gao derveur
’n Ander pad, ’n ander leben
Der is gien mense die joe helpt, nee
Niet zo gek
Ze wachten totdat joe de klompe
En joe ‘t hart in stukken brek
Honderdduuzend goeie redens
Iene dikke zooi
Mar zo mar deurgaon as het nou giet
Dat is ook niet mooi
•
Duurt nou al ’n week of drie
Mar ’n antwoord krieg ik niet
Jij wollen bij mij langskommen ja
Dus ik typte: “Zeg het maar”
Wanneer komp joe uut?
Daorop heb ik niks meer heurd
Hoe graag ik joe ok zie:
’t Is graag of niet
Ik ben ok gien kampioen
In beleuben en ok doen
Ja, jij zeeden: “Hoogste tied”
Mar het kun nog hoger, bliekt
Ja, ik weet hoe drok jij bennen
God wet da’k joe hiel goed ken
Zeg dan dat het eben niet wordt
Anders valt het ons kapot
•
As de novemberstorm
Het huus löt kraken
As de hagelstienen
De keukenroeten raken
As alle deuren klapperen
In de maot van de nacht
Dan heb ik al tig keer an joe dacht
As de sneij dreuge valt
Steil naor beneden
As ’t windstil is en kaold
Zoas dat kan weden
As ’s morgens alles wit is
Van ’n dekentie zo zacht
Dan heb ik al tig keer an joe dacht
As de forsythia
Bluijt in de eerste zunne
As ’t paosvuur brandt
En dood is overwunnen
As alles weer ontwaakt is
In volle kracht
Dan heb ik al tig keer an joe dacht
As de eerste combine
De korenvelden scheert
As ’t onweer in de verte
Tevergeefs probeert
As ’t mij van de rugge meg
’s Nachts op muggejacht
Dan heb ik al tig keer an joe dacht
Website: Alderlane