WordPress website: Alderlane
•
As we in de kleuterschoele
In de zölde klasse hadden zeten
Dan hadden we mooi speuld
Dan zol ik het wel weten
Dan had ik in de zandbak
Joe ’n kussie geben
Was hand in hand met joe
Begönnen an ’t leben
Mar ik ken joe pas nou
En zo is het gaon
Zie ons nou ’s hier
Onder de sterren staon
As ik in de zesde klasse
Ja, of in groep acht
Op ’n verjaordagsfuif
De hiele aobend had wacht
Tot ik joe naor huus mocht brengen
In het donker hadden wij staon
Verlegen zachies zoenen
Dat hadden wij dan daon
Op de middelbare schoele
Of later in de stad
In ’n aold studentenhuus
Ik weet haost zeker dat
Wij ooit sowieso dan
Mekaar hadden herkend
In het universum
’n Eeuwig moment
As wij as twee aole mensies
Op ’n bankie in het bos
Mekaar pas dan hadden zien
Leut ik joe ok niet meer lös
Mar ik ken joe al nou
En zo is het gaon
Zie ons nou ’s hier
Onder de sterren staon
•
Zie met de ogen dicht
De lach op joen gezicht
Joen ogen en joen haor
Ik kiek der uren naor
Al ben jij nou niet hier
Ver weg be’j ok weer nie
Dwars deur Scarlatti hen
Heur ik joen engelenstemme
Liefste lieve lief
Laot mij
Laot mij
Liefste lieve lief
Laot mij van joe haolden asjeblieft
Lief
De nacht was kaold en kort
De duusternis gung vort
Toen ik weer wakker was
Heul jij mij eben vast
•
De maone stiet laag
De nacht is veurbij
Ien keersie nog an
Op de taofel
Heur glas stiet der nog
Heur auto niet meer
Ik gao mar naor bère
Je moeten wat
In de hand
’n Hart van kristal
Dat kreeg ik van heur
Veur ze weggung
Okay, nog ien glas
Dan is ‘e leeg
Chardonnay
Zunder vliege
In de hand
’n Hart van kristal Zo haol ik heur
Nog eben vast
“Alles is goed”,
Zeg ik tegen mezölf
Ik proost met de maone
Je moeten wat
•
Nee, het mag niet
’t Is niet hoe het heurt
Mar veur we ’t wussen
Was ’t al gebeurd
Bij mekaar in ’t hart
Echt zo duudelijk as wat
Dat het echt was
Kwam al gauw veurbij
Groots en groter
Niet allent veur mij
Want vraog mij niet hoe
Jij zeggen ook veur joe
De oostenwind weijt um het huus
De ganzen vliegen over
En jij moeten weg, dat weet ik wel
Mar we bennen betoverd
Blief nog eben
Blief nog eben
Blief nog eben
En veur de rest van ons leben
Zölfs de klokke
Is van slag vandaag
Loop toch traoger man
Want we wullen zo graag
Dat dit dagen duurt
Weken, maonden, jaoren, eeuwig
•
Als het zonlicht jou niet raakt
Alles zelfs iets zwarter maakt
Wees niet bang
Wees niet bang
Als je alleen en eenzaam bent
Zoals je dat van vroeger kent
Wees niet bang
Wees niet bang
Als je fladdert als een vlinder
Binnen tegen ’t raam
Een vlinder die naar buiten wil
Waar wilde bloemen staan
Heb er dan vertrouwen in
Dat jij ook dit weer overwint
Wees niet bang
Wees niet bang
Al is er weet ik wat aan de hand
Al staat de wereld in de brand
Wees niet bang
Wees niet bang
Zelfs de zwartste, diepe duisternis
Kent ook een grote angst
Voor een vonk van helder licht
Is het donker het bangst
Ergens in je hart en hoofd
Is de vlam nog nooit gedoofd
Wees niet bang
Wees niet bang
•
’s Morgensvrog
Alles kaold
Gieniene die warkelijk van joe haoldt
Nog mar ’n koffie
En dan mar deur
Waor is anders het leben veur?
En dan opiens ’n lach
Zomaar onverwacht
Licht in de duusternis
Licht in de duusternis
Dat heb ik lange mist
Licht in de duusternis
’s Aobends laat
Alles stil
Alles is aold en gries, slof en kil
Gien trek in de schösstien
Gien zin in wien
Alles te vrog of te laat misschien
Mar toch opiens ‘n lach
Midden in de nacht
Zölfs vol in de zomerse zunne
Is het soms duuster en zwart
Zuuk dan wat op om te lachen
Dan he’j in elk geval wat
•
Ik weet ook wel
Dat ’t niet niks is
Mar ik wul ok niet
Dat ik de kans mis
Ik wul niet later denken
Dat ik te bange was
Terwijl ik dit zeg
Haol’k joe in gedachten vast
Was jij mar hier
Of waor dan ok met mij
Ik vlieg bijna
Deur de lucht hen
Deur de regen
Naor waor jij bennen
Ik vleug al weet ik hoeveul rondties
Um onze planeet
Ik kende joe nog niet
Toch zung ik toen al steeds
Was jij mar hier
Dan was ’t nog veul echter
Was jij mar hier
Dan gung ’t vast niet slechter
Was jij mar hier
Of samen ergens in de zunne
We wussen van ’t begun al
Dat dit niet anders kun
•
Zwart
Duusternis
Niks
Wat der is
Allennig ’n klein maontie
Boben de horizon
Mar kiek wat der opiens
An de andere kante ankomp
Oh, kiek dan
Oh, zie dan
Halve hemel vol met noorderlicht
Paors en gruun en lila noorderlicht
Zoo..
Wat ’n kleuren ja
Mooi
Mar toch ok ’n mar
Wol dat zij nou hier was
Um dit ok te zien
Of kek zij nou ok
Naor de zölde lucht misschien?
Ooit
Zien we samen dit
Want ik weet hoe ’t zit
En ok zij wet hiel goed
Hoe de sterren staon
En dat wij ooit stief naost mekaar
Zachies zeggen gaon: oh, kiek dan
•
Toen ik nog klein was
Elke zundagmiddag weer
Kluste mien vader an ons huus
En elke keer
Wol ik graag helpen
Net zoas mien bruur
Mar ze zeden:
“Gao jij toch weg, weg hier uut de schuur”
Was te gevaorlijk
Was der niet zo handig in
Zagen, timmeren
En te bange bobendien
Dat zo’n zaage afbrek
Niks goed is wat ik doe
Ik ken mien plek
En dat is bij joe
Ik ken mien plek
Ik ken mien plek
Naost joe, achter joe
Veur joe, waor dan ok
Ik ken mien plek
En dat is bij joe
A’k niet meer weet
Wat ik met de wereld moet
En in de warre lig met kwaod en goed
As der mensen zeggen:
“Wat kom jij hier doen?”
Dan weet ik da’k mien plek ken
En dat is bij joe
As ik joe mis hier
En je bennen zo verre weg
Dan weet ik:
Wij kommen toch wel bij mekaar terecht
Want ik weet al jaoren:
Niks is zoas ’t lek
Ik heur bij joe
Dat is mien plek
•
Ree deur de woestijn
Ver van de grote weg
Kreeg ’n lekke band
Kwam in de shit terecht
45 graoden
Gien krik en gien ontvangst
Niks lebentigs te zien
Allen’ ’n ratelslang
Ree deur op de velge
Wat mus ik anders doen?
Mus nog 100 mijl
Ik dacht: dit komp niet goed
Mar toch nao ’n uur
Opiens ’n boerderij
Die lieve mensen
Hadden ’t goed veur met mij
Net a’j denken dat ’t aflopen is
Bliekbar kommen dan de engelen
Net a’j denken: ‘k heb de goeie afslag mist
Vaak nog net op tied:
-Geleuf ’t of niet-
Geluk of ’n wonder
Vier weken later
Hoe dankbaar ik ok was
Ik was terug in huus
En toch zat ik nog vast
Toen kwam der op ’n dag
Iene langs en dat was zij
Die in de tuune met ien lach
Neij leben bleus in mij
Geluk of ’n wonder
Geluk van ’n wonder
Geluk is ’n wonder
•
De wereld lig te slaopen
En zij lig ok op ien oor
Ik zit hier nog te speulen
En zij is daor
Zij hef zegd:
“Ik haol van joe”
En zij hef zegd:
“Veur altied”
’t Is tied um te gaon slaopen
’t Is goed
Blief bij mij
Ik blief bij joe
Lief, zie ons ’s
’t Is goed
De wereld giet ten onder
Mar wij kommen boben
’t Regent as ’n grote
Mar dat kan ons niet beroven
Van wat wij zien
Van wat der is
Want wat wij zien
Is duusternis
Verlicht deur onze liefde
’t Is goed
We weten allebeiden
Zo was ’t echt nog nooit
We vuulen allebeiden
Hoe ons het hart ontdooit
En ik heb zegd:
“Ik haol van joe”
En ik heb zegd:
“Veur altied”
Wij doen niks verkeerd
’t Is goed
•
Misschien was ik wel meulenaar
Van ’n watermeulen
Misschien kwam jij toen langs
En zat ik toen al stil te beulen
Omdat ik dan al vuulde
As ik keek naor joe
Ik ken joe al veul langer
Veul langer as ik doe
Eeuwigheid
De toekomst is al lang gebeurd
In de eeuwigheid
Misschien was jij wel ’n prinses
En ik dan ’n minstreel
Ik zung joe elke nacht in slaop
In ’n groot kasteel
Ik weet elk lied van toen nog
A’k nou kiek naor joe
Ik ken joe al veul langer
Veul langer as ik doe
Misschien was jij wel zangeres
En ik jazz-pianist
En leupen wij bij nachten
Deur Parijs in dikke mist
Dan zee ik zachies in joen oor:
“Je t’ai toujours connu”
Ik ken joe al veul langer
Veul langer as ik doe
WordPress website: Alderlane